Laanscht d'Küst ginn d'Beem ugeschwämmt.
Haut wëlle mir déi zwee Gletscher kucke goen :
De Fox Glacier an de Franz Josef. Et sin zwee Glacier’en wou ee ganz no bäi kënnt.
Franz Josef Glacier
De Wee dohi war net ëmmer einfach
E Farnbam
Weider geet et iwwert d’Westküst vu Franz Josef bis op Greymouth. Op der Stréck komme mir bei der « Okarito Lagune » laanscht déi 2014 ausgezeechend gouf. Beim café « The Bushmens » maache mir eng Paus mat engem Stéck Kuch. Eis route geet nach ëmmer duerch d’Westland a schéi Reebëscher.
Haut ass Sonndeg den 19ten Februar 2017. Ech muss mir dat heiansdo soen well ech hei komplett d’Orientatioun verléieren a ni weess wéien Dag mir sinn. An der Nuecht huet et gereent a ech hu geduecht dat gëtt e schlechten Dag well mir haut d’coastle road maache vu Geymouth op Westport. Moies ware mir nach en historical village besichen wou Goldgrouwe waren.
Kuckt einfach d’Fotoen ouni Komentar….
Motueka
Haut fuere mir vun der Westküst a Richtung Picton wou mir fir en Dënschdeg de Ferry gebucht hu fir op Wellington. Zu Nelson maache mir nach de leschte Stopp op der Südinsel.
Bullerbridge....
eng wackelleg Geschicht
Iwwert eng formidabel Küstestrooss duerch « Malborough Sounds » wat vill kleng Buchte sinn komme mir zu Picton géing 12 :00 un wou de Ferry eis op enger gemittlecher Fahrt bis op Wellington bréngt.
Nordinsel
Wellington NP
De Musée zu Wellington den "TE PAPA" ass immens gutt opgebaut an interaktif. Wéi ëmmer war e gratis. Mir hunn do de Moien verbruegt an de Recht vum Dag eis déi flott Stad ugekuckt déi direkt an enger Bucht läit.
Vu Wellington geet et op Miramar, en Staddeel vu Wellington, wou Filmer wéi « Herr der Ringe, Avatar » verschafft gi sinn. Fir eis war et e Flopp well mir leider an eng Féierung vun « Thunderbirds » gerode sinn. Dat ass Miniatures Stage Tour. En Zeechentrickfilm dee mir net kannt hunn. Et war trotzdeem interessant.
Duerno maache mir No. 1 bis op Whanganui laanscht d’Küst mat engem kuerze Strandbesuch. Zum Schluss lande mir op engem super Camping.
Haut ass Freideg a mir ginn de Rugby Musée kucken zu Palmerston North.
Den « HAKA » ass den Danz deen d’Nationalequipe opféiert d’« All Blacks » virun all Match. Et wëllen domat de Géigner aschüchteren.
Vun do fuere mir an den National Park Tongariro duerch en Dall mat riets a lenks Hiwwelen a Bierger. Super schéin. Et mengt een si wäre mat Samett iwwerzunn. All déi Dierfer wou mir duerchfueren hunn Nimm wéi : Awahuri, Sanson, Halcombe, Marton, Onakune….. bal net ze liesen.
Eise Camping läit schéin a mir hunn eng super Vue op de Vulkan « Mt.Ngautuhoe » an de Bierg « Mt. Ruapelu ». Do maache mir eng Wanderung.
No zwee Deeg National Park Tongariro fuere mir weider op Rotorua. Hei komme mir an d’Géigend vun de Geyser’en. Och do ass awer d’Kultur vun de Maori omnipräsent. Mir gi nach méi gewuer iwwert hir Aart a Weis ze liewen an iwwert de Grénge Steen, den Jade. De Camping ass wéi ëmmer ee vun den Top 10 déi immens gutt sinn. Mir léie beim Blue Lake an do ass eppes lass. Kayak, Spa Pool, Fun Bikes, Waterski etc
D’Kichen ass wéi ëmmer super ageriicht mat 14 Kachplacken, 2 grouss Gas Griller dobaussen an zwou Plancha’en. Einfach top. Do versammelt sech alles fir ze Grillen an ze Iessen. Flott Ambiance.
De Moien si mir den Te Puia besiche gaang. Do hu mir verschidde Schnëtzereien a Geysiren kënne bestaunen. De gréisste Geysir ass de Pöhutu dee bis zu 30 Meter héich ka ginn. Mir hate Gléck datt en aktiv war wéi mir grad do waren. Am Kiwi-Haus konnte mir dunn och endlech de scheie Kiwi kucken. En ass Nuets aktiv a gëtt 20 Kg schwéier. Et ass dee berühmtste Vull hei an NZ deen awer net fléie kann.
Duerno bleiwe mir nach zu Hobbiton stoen. An der ganzer Géigend sinn d’Filmer «Der kleine Hobbit » an « Herr der Ringe » gedréit ginn.
d'Grille klabbere mat de Flillécke wéi géckeg
d'Grille klabbere mat de Flillécke wéi géckeg
Palmen a gogo ....
Pic-Nic zu Coroglen
Den Dag drop war ee vunn deenen Deeg wou een denkt « oh ! merde wat dat reent » Mir maachen haut d’Coastle Road vun Waihi Beach bis Orere Point duerch d’Dierfer wéi Whangamata, Pauanu, Wintianga, Tapu, Te Puro, Thames, Miranda an Kaiaua. Wonnerschéin Buchten an iwwert 250 km fuere mir schlussentlech.