Et geet also weider iwwer kleng Stroossen an Dierfer. Oft musse mir stoen bleiwen fir de Géigeverkéier laanscht ze loossen. Eng spannend Geschicht.
iwwert d'Insel Föhr, Wales, Cornwall
Endlech ass et nees esou wäit. Elo wou ech och an der "Fréipensioun" sinn maache mir mam neien Camper déi éischt gréisser Rees a Südengland.
Iwwert Düsseldorf, wou mir d'Camper Foire besiche ginn, geet et weider op Hamburg den zweeten Deel vum "Phantom der Oper" kucken.
E puer Deeg verbréngen mir dann nach zu Föhr (Nordfriesland) mat der Famill an dann geet et zréck op Hook van Holand. Do huelen mir d'Schëff fir eriwwer op Harwich.
Mir wäerten e puer Wochen duerch Cornwell an de Wales fueren.
Hei awer nach e puer Fotoen wéi et zu Föhr ausgesäit.
D'Meedercher ganz relax......
Café und Kuchen gëtt et hei och .....
No e puer schéiner Deeg zu Föhr musse mir de ganze Wee zréck op Vun Hoek van Holland wou et mat der Stella Line 13:45 eriwwer an England op Harwich geet wou mir da géint 21 :00 Auer ukommen. De John, d'Nadine an d'Joy sinn nees heem gefuer.
Moies fuere mir relax 215 Km op CAMBRIDGE. Den Navi stelle mir op gréng a kréien da lauter kleng Stroossen déi grad esou schmuel si wéi de Camper an et geet duerch vill kleng schéin Dierfer mat schéinen Haiser déi bal all en Daach aus Stréi hunn.
Cambridge wat nëmmen esou wibbelt vun historesche Gebaier. D'UNIVERSITY OF CAMBDRIDGE ass mat bal 20 COLLEGES an ale Gebaier iwwert d'Stad verdeelt, de Publik ass jonk a mir ginn andauernd ugeschwat fir en « PUNTING », dat heescht mat engem flaache Boot mat enger Staang iwwert de Floss gefouert ze gi vun engem Student.
Muer geet et weider op Oxfort.
Punting-Booter
Punting-Booter
Punting-Booter
Oxford huet eis net esou gutt gefall wéi Cambridge. Et ass méi modern mee den Dag hu mir awer flott verbruecht.
Mir hunn decidéiert fir an de Wales ze fueren an de Cornwell zum Schluss ze maache wa mir Heem fueren.
Caerphilly Castle
Caerphilly Castle
oft sinn och Hochzäiten do
Weider iwwert Cardiff, Nashpoint, Saundersfoot op Tenby.
Zu Manorbier hu mir nach en Castle besicht an hunn eis fir owes e Camping erausgesicht. Leider hunn si gesot si wäre fully booked a mir hunn nach laang gesicht fir een aneren ze fannen. Well mir iwwert dräi Meter héich si komme mir net iwwerall eran.
Um 19 :00 Auer hate mir awer dunn eng flott Platz fonnt. Et ass den 14ten September.
Saundersfoot Hafen
Tenby
Manorbier
Wéi sech erausgestallt huet war de Camping zu Marloes (dee mir owes relatif spéit fonnt hunn) ganz schéin. Mir hunn do eng Wanderung gemaach lanscht d’Küst. Normalerweis wären et 3 Stonnen gewiecht, awer well mir ëmmer brav der Küst nogedabbert sinn waren et herno 6 Stonnen déi mir gemaach haten (25 Km). Mir sinn och deen Dag net weidergefuer an hunn nach eng Nuecht do verbruegt.
Déi ganz Woch duerno si mir praktesch laanscht déi wonnerschéin Küst gefuer mat guddem Wieder an Tempraturen ëmm 23 Grad, wat jo fir den Wales super ass. Vunn enger Bay an déi aaner an eng méi schéin wéi déi aaner.
Duerch déi verschidden County’en wéi Pembrokeshire, Ceredigion an Gwynedd si mir méi an d’Land gefuer a Richtung vum héichste Bierg vum Wales den Snowdon. Hei geet et emol duerch d’Dierfer an Täler déi wonnerschéin sin mat super grengen Hiwwelen wou d’Schof grasen an iwwert d’Strooss trëppelen. Dat ass och eng ganz beléiften Wandergéigend.
Wéi ëmmer brenge mir et net färdeg méi ewéi 90 bis 100 Km den Dag ze fueren…….mee mir hu jo Zäit.
Muer (20ten September) geet et elo duerch d’Land weider op Abergavenny wou mir eis mat eisen Frënn aus der Schweiz déi mir op eiser Afrikarees kennen geléiert hunn, dem Noldi an Linda, treffen.
Eis schéi Campingplatz a Snowdonia..
Virun Abergavenny hu mir nach e flott Duerf besicht dat eis een vun eisen Noperen op engem Caming ugeroden hat « Hay on Wye » Pittoresk war dass an deem Duerf bestëmmt 20 Bichergeschäfter ware wou nei wéi aal Bicher gehandelt gi sinn.
