Johannisburg - Zimbabwee - Botwana
Namibia
Den 10ten Oktober geet et lass. Ab Lëtzebuerg iwert Frankfurt op Johannesburg.
Während zwee Deeg visitéieren mir Johannesburg, Pretoria an Iwernuechten op enger Safari Ranch.
Hei d'Route vun eiser ganzer Rees.
Den Tour mam Bus zu Johannesbourg huet eis gewisen dass Joburg-City wierklech net schéin ass. Praktesch all Häiser an Hoteler sin net méi bewunnt. Déi grouss Geschäfter sin an den Norden vun Joburg gezun.
Sonndes owes si mir beim Denis an Sandor invitéiert. Den Denis ass en Frënd vum Jang, deen hien schon 20 Joer net méi gesin huet. Deen Owend war einfach super fir den Ufank vun esou enger Rees.
Méindes hu mir Pretoria visitéiert mam Burenmemorial an dem Unionbuilding.
Muer kréien mir eisen Camper.........🙂
Duerfir ass eis Heia safari ranch formidabel. Hei gesin mir schon eis éischt Giraffen. D'Roundals wou mir wunnen sin ganz einfach awer et ass alles do wat een brauch.
Zu Sabie beim Bobocampers hun mir all eis Camperen kritt.
Nom éischten STRESS mat lengs fueren an lengs Gäng amaachen si mer a Richtung Krügerpark gefuer. Op deer Streck konnten mer verschidden Stied an d’Natur bewonneren.
Déi drei Deeg am Krügerpark waren immens flott. Vun moies um 6:00 Auer bis owes géint 16:30 op der Pirsch vir esouvill Déieren wéi méiglech ze gesin. Et kann een net vun Vakanz schwätzen. All owes hun mir en Briefing um 18:00 Auer vir den Dag drop ze plangen. Mee et ass dat wärt.
Vum Krügerpark geet et wieder an den Botswana. Mir haten e besschen Pesch. Den leschten Dag am Krügerpark haten mir en Platten vier lengs. Mat vill Hëllef vun eisem Guide ass den Pneu gewiesselt gin. Den Dag drop ass en gefleckt gin fir en mëttes nees ze gebrauchen. Dun haten mer en Platten hannen rechts. Mee mir wëssen jo elo wéi et geet…….awer bei 38 Grad ass et trotzdem net esou flott.
Zu Kasane am Chobe Nationalpark ass moies eng Safari. Dat heescht um 5:00 opstoen. Mëttes maachen mer eng Bootstour um Chobe River.
D’Victoria Falls waren trotz manner Waasser immens schéin. Et geet en Wanderwee laanscht déi aner Säit, esou dass een flott Vue’en huet. An Südafrika huet et extrem wéineg gereent déi lescht Joer. All kleng Flëss sin eidel an déi grous hun nëmmen ganz wéineg Waasser.
De moien waren mir ausserhalb (15Km) vun Victoria Falls en Village kucken. Hei konnt en ganz gutt gesin wéi d’Afrikaner liewen ausserhalb der Stadt.
Déi obligatoresch soirée am Viktoria Falls Hotel ass fir den owend reservéiert.
Den Owend am Viktoria Falls Hotel war ganz flott. D’Iessen war en Buffet. Et war eng immens grouss Auswiel vun Sushi an Sashimi, Spiessen vun Krokodil, Impala, Poulet, Kudu, Springbock. Ech hun emol den Krokodil probéiert….lecker! ännlech wéi Poulet. Fréier war dësen Hotel d’Wunneng vun engem engleschen Gouverneur. Also …. very britisch.
D’Campinger waren bis elo ganz gutt. Deen een oder aaneren méi rustikal awer den Sanitaire war ëmmer OK. Bei all Camping ass eng Schwemm an en Restaurant wou mir alt owes giess hun wann keen Supermarché um Wee war. Meeschtens Grillen mir, Bourenwurs ass nawel gutt. Et gesäit een och flott Konstruktiounen!
Um Wee fir op Maun haten mer vill Straussen déi einfach op der Strooss laafen. Mam klengen Flieger (6 Léit) si mir dun eng Stonn iwert den Okavango Delta geflunn. Och do huet een gemierkt dass vill Waasser feelt. Trotzdem war et immens schéin den Déieren nozekucken an d’Dierfer vun uewen ze gesin.
Virun Namibia huet Police gemengt mir wären ze schnell gefuer. Mir haten awer keng Pulla’en an den Polizist huet keng Rand geholl. Hien soot mir sollen dann bei dem éischten Policebüro bezuelen. Deen hu mer awer net fonnt.
Owes ware mir an Namibia um Camping Zelda Game wou drei kleng Geparden vun den Besëtzer do opgeholl gi sin well d’Mamm se net wollt. Och en Stachelschwein haten se do.
Wéi mir bei Bobocampers all eis kleng Problemer gemellt haten wollten mir mam Ed an Norma an d'Stadt Windoeck goen. Um Check point hun se awer dun gemengt eis Pobeieren vum Camper wären net an der Rei. Bei aaneren war et den Führerschein deen net ok war. No zwou Stonnen Warden an Diskutéieren vun eisem Guide an der Chefin vun Bobocampers waren se dun awer averstaan dass mir därfen fueren. Bon dunn war et leider ze spéit. Mir probéieren dann haut nach emol. Affaire à suivre!
Mir hun zwee offiziell Guiden op eiser Rees den Christoph an d’Isabelle. Si gin begleed vun enger Koppel (Patrick an Myriam) déi och bei Seabridge schaffen an normalerweis an USA an CANADA den Guide maachen. Si gin hei wärend dëser Rees ugeléiert fir eventuel kënnen spéider des Rees mat aaneren Gruppen ze maachen.
Um Check point war elo keen Problem méi an mir konnten all duerchfueren. Zu Windhoek haten mir en Guide deen eis e besschen iwert Geschicht verzielt huet. Et gëtt engem bewosst wéi deitsch geprägt hei alles nach ass, obschon d’Afrikaner ufänken déi deitsch Nimm duerch afrikanesch Nimm ze ersetzen. Zum Beispiel hun si en Denkmal vun engem deitschen Generol an den Haff vum aalen Pompjeesgebei gesaat an do wou dat war en afrikanescht Denkmal gemaach fir un déi schlëmm Zäit vun den Kämpf teschend den deitschen Truppen an den Hereros ze erënneren.
Fir den Rescht ass Windhoek eng modern Stadt wou een alles kann akaafen. Schéin grouss Gallerien mat Geschäfter an gudden Restaurant’en. Déi meescht nach mat deitschen Nimm an d’Kichen ass och zimmlech deitsch.... Rest.Kaiserkrone oder Zum Wirt...
Vun Windhoek aus geet et op Waterberg an 20km virun dem Camping haten mir dann déi éischt „gravelroad“ oder „Schotterstrasse“. Op letzebuerg mir sin eng ¾ Stonn iwert Wellblesch gefuer.
Méi wéi 30-50km/Stonn kann een hei net fueren. Et hopst an knuppt alles wat am Camper ass. Den Fotoaparat an den Läppi hun ech an en Handduch gepack. Bis elo haten mer och nach net vill Stëps dobài mee deen soll nach kommen. Déi Stroossen sin net geteert mee einfach aus Sand. Am ganzen wärten mer ëmm déi 2000km Schotterstroossen hun bis mer nees aus Namibia erausfueren….also 3 Wochen!
Den Camping um Waterberg war tip top. Mir sin och direkt op den Bierg geklomm wat eis 2 Stonnen an Usproch geholl huet. Fir erof waren et dann 1 ½ Stonn. Den Beierchen owes haten mir eis verdengt.
Haut si mer zu Tsumeb, och am Norden vun Namibia, ukomm. Muer geet et dann entlech an den Etosha National Park wou mir eis schon op d’Déieren fréen.
Coucou Meedercher aus dem Rousegäertchen. Drei Deeg am Etosha Park hun den Fotoapparat dempen gelooss 😋 Extra fir iech hei schon en Viergeschmaach op eisen Foto-owend!
Mir hun immens vill Déieren konnten gesin. Et muss een awer sichen well si kommen wann se Loscht hun. Oft sin mir d’Waasserstellen 2-3 Mol ugefuer bis d’Déieren do waren.
Ausnamsweis am Convoie iwert d'Grenz
Iwert Gweta, Maun, Buitepos geet et wieder op Windhoek. Hei ass den Sëtz vun „Bobocampers“ wou mir eis Camperen gelount hun. Verschiddener vun eis hun Problemer. Wuel dass mir hei zwee Deeg bleiwen kënnen déi Saachen geflëckt gin. Fir zwee Camperkoppelen ass den congé vun drei Wochen hei eriwer.
Um Wee fir heihin si mer zwee mol iwert d’Grenz gefuer, an zwar vun Zimbabwe an den Botswana an vun do an Namibia. Et ass ëmmer mat vill Zäit verbonnen. Du därfs keen Fleesch mat iwert d’Grenz huelen. Dat wusten mir schon. Mee hei ass Afrika!! A wann si Loscht hun op Tomaten, Mëllesch, Gourgetten, Äppel etc. dann huelen se der dat och of.
Et muss een och ëmmer duerch en Pull Waasser trëppelen wat mat engem Desinfektiounsmëttel gefëllt ass. Keen wees esou richteg fir wat. Emol ass et den Chauffeur oder den Beifahrer. Och dat ass Afrika!
Op engem Check point am Botswana huet den Zaldot eis gefrot op mir Softdrinks hätten. D’Waasser huet en eis gelooss an den Jus huet en geholl. Et ass een hinnen zimlech ausgeliwert an hir Willkür huet mir déi éischte Kéier awer e besschen Angscht gemaach. Ech hu mech net immens Wuel gefillt a sin eigentlech frou dass mir elo an Namibia sin.
Zu Gweta hu mir am Babobab Camping iwernuecht. En wonnerscheinen Camping an der Bruss mat villen Baobab Beem.
