.... Westküst

E Méindeg hu mir zu Arbus kee Camping fonnt an hunn op engem Parking vun engem Agritourisme (B&B) geschlof. Si hunn eis näischt gefrot a mir hunn dunn awer do giess. E flotten Owend mat Italiener, Däitscher an enger belscher Koppel déi bei eis um Dësch sutzen. De Menu war Sardinesch !!! Richteg flotten Owend.

Dënschdes si mir nach mat der Vespa op d’Costa Verde gefuer. GENIAL !

Elo den Owend hu mir um Camping Village Spinnaker zu Torre Grande agecheckt a sinn do vun honnerte vu Mustiken iwwerfall ginn. D’Mustike sinn hei wierklech schlëmm. Fir Muer steet La Penisola del Sinis um Programm. AN !!!!! Et ass mäi Gebuertsdag !!

De Wee iwwert Oristano, Cuglieri bis op Bosa ass formidabel. Zu Cuglieri gi mir zu Fous bis ganz erop wou d’Basilica steet mat immenser Vue op d’Stad. Et war ustrengend bei 35 Grad mee et huet sech gelount. Wéi ëmmer maache mir esou Saachen tëschent 13 :00 an 16 :00 Auer wou kee Mënsch op der Strooss ass. Et ass jo SIESTA an déi ass hei omnipräsent.

Eis Stellplatz

Bosa huet eng flott Alstad déi mir nach owes besichen. Mir stinn op enger Stellplaz direkt um Mier. Rustikal awer schéin. Mir hunn decidéiert hei en Dag ze relaxen a fueren eréischt den 23ten weider op Alghero.

D’Nuraghen Festung Palmavera, Capo Caccia an d’Neptune’s cave (654 Trappen erof a natierlech nees erop! an dat bei 30 Grad an der praller Sonn)  waren eis éischt Zieler. D’Alstad huet eis gutt gefall an d’Nekropoli Anghelu Ruju (Griewer vun 4000-3500 viru Christi) waren interessant.

Weider a Richtung Norde verbrénge mir e formidabelen Dag op Stintino a Capo del Falcone.

Mir schlofen zu Valledoria op engem léiwe Camping um Mier.

Portobello

Portobello mam Mich

Zu Santa Teresa Gallura bleiwe mir zwee Deeg. Do huet de Jang viru 40 Joer getaucht. De Club Med ass net méi do awer de Village wou de Jang war hu mir erëmfonnt. Mega vergréissert. Hei am Nordwesten si wonnerschei Buchten ëmmgi vu bizare Fielsformatiounen. Einfach nëmme schéin.

Eise Camping zu Palau leit direkt an enger Bucht um Mier dräi Km vum Zentrum.

E Freideg fuere mir mat der Vespa mam Ferry op d’Insel Maddalena a fir e Samsdeg maache mir e Segeltour de ganzen Dag. Vu Palau op Isola Santa Maria, dann op Isola di Budelli an iwwert d’Isola di Spargi zrëck op Palau. Si mol gespaant.