Vun der Küst nees an d'Land

Méindes, den 03. Januar fuere mir eng wonnerschéi Stréck op Al-Ula (Provënz Medina) am Wadi Al-Qura, en Dall tëschent Lavafelder a Sandsteen. Opgrond vu sengen ënnerierdesche  Wasserresourcen a senger gudder Laach un der Weihrauchstrooss huet dësen Dall eng wichteg Roll gespillt an der Geschicht vun der Arabescher Hallefinsel. Schnëtzereien an de Fielse besoen dass dëst Gebitt scho wéinstens an der Bronzezäit (3. an 2. Joerhonnert viru Chr.) bewunnt war. Haut ass Al-Ula eng modern Stad.

Haut war eng vun eise längste Strécken ze fueren .... 290Km.

Seid 2019 gëtt a Saudi Arabien enorm vill gebaut wat d’Stroossen, Hoteller a soss touristesch Infrastrukturen ubelaangt. Wat eis natierlech e bëssche stéiert an eisem fueren. Et ginn enorm vill Chantier’en a mir denken dass och hei Corona déi ganz Projet’en ënnerbrach huet. De jonke Prënz wëll Saudi Arabien modern maachen ! Wat dat genau heescht muss een dann awer emol ofwaarden. Frae gesäit ee praktesch keng am Dag, just owes an da si se komplett schwaarz verschleiert.

De Gas Problem hu mir geléist an zwar leeft et einfach vun uewen no ënnen!

Verschidden Toure maache mir hei zu Al-Ula.