Iwwert d'Schwäiz a Kroatien

No dräi Méint si mir nees on Tour a besichen eis Frënn an der Schwäiz, d’Mareike an de Robert. Mir hunn dës léif Koppel op eiser Rees an den Oman kenne geléiert. Zu Merishausen verbrénge mir zwee schéiner Deeg mat hinnen a fueren duerno weider duerch d’Schwäiz, Italien, Slovenien a Kroatien. Den 10te September komme mir zu Zagreb u wat d’Haaptstad vu Kroatien ass. Een Dag spadséiere mir an dëser Stad déi ganz flott ass mat de Parken, historesche Gebaier a coolen Terrassen.

NP Plitvicka

D'Meteo ass de Moment ganz schlecht a mir decidéieren fir am Camping beim NP Paklenica ze bleiwen bis dat sech beruegt!

Fott Statu zu Senj.

Um Wee op Paklenica.

De 17te fuere mir weider an de Süde mat der Hoffnung dass d’Wieder besser gëtt. De Moment ginn et ëmmer nees Reeschauere mat ganz vill Wand.

D’Gléck ass op eiser Säit an e Sonndeg ass super Wieder a mir maachen e flotten Tour mat der Vespa op Sibenik a verschidde kleng Buchten. Kroatien gefält eis bis elo immens gutt mat all den Inselen an d’Leit si frëndlech.

Hei gi Mulle geziicht.

Marina zu Biograd

Cathedral zu Sibenik.

Vue vun der Buerg.

Kleng Bucht ...

.. mat Vakanzenhaiser.

Sonnenënnergang um Camping.

Promenade zu Primosten.

Hei däerf een net zevill drénken!

Primosten!!

Am Gespréich mam Fëscher.

D'Alstad vu Split mat hire klenge Gaassen.

Gemittlech fuere mir weider an de Süden op Split. De Camping ass "complet" a mir kréien nach just eng Plaz wat eigentlech keng ass!! Den Dag drop solle mir op eng offiziell "zügelen" géingen ons Schwäizer Frënn soen. Mee schlussendlech ass d'Plaz net esou schlecht. Mir hu vill Sonn, d'Plage ass nobäi a mir si souwisou déi zwee Deeg zu Split. Flott ass dass mir mat der Vespa mobil sinn an iwwerall hikommen.

Split .....

Eng vun den Haaptdire fir an d'Stad.

Split .....

Am Musée vum Ivan Mestrovic.

Kroatesche Sculpteur

D'Küststrooss schlängelt sech tëschent de Biokovo Bierger an der Makarska Riviera laanscht Buchten, Fjorden a kleng Fëscherdierfer. D'Bierger halen de kale Bora Wand zréck a suergen dofir dass d'Klima hei ganz angeneem ass. Hei ass et einfach schéin.

Kleng Bucht bei Makarska

Makarska Promenade

Makarska Duerf

Relaxe Strand zu Orebic

Eigentlech wollte mir op der Küstestrooss bleiwe sinn awer zu Ston stoe bliwwe fir zwou Nuechten. D'Wieder ass nach ëmmer e bëssi onbestänneg. Aus enger Idee eraus si mir vu Ston aus weider op d'Insel Peljesac gefuer. Dës Insel ass och ouni Ferry erreechbar. Zu Orebic hu mir an engem super flotte Camping agecheckt. Hei bleiwe mir elo e puer Deeg a kënnen d'Insel flott mat der Vespa kenne léieren.

Déi nei Bréck bei Ston.

Stadmauer zu Ston.

Uewen ukomm mat Vue op Ston an d'Salzfelder!

Um Wee op Peljesac.

Top Plaz um Camping bei Orebic.

Mam Ferry op Korcula ze fuere war definitiv eng gutt Idee. D’Griichen, d’Réimer an d’Slawen hun des Insel gepräägt an d’Gebaier sinn erstaunlech gutt erhalen. Zréck op Orebic si mir nach bis erop op d’Spëtzt gefuer an um Retour nach e Stopp beim Klouschter mam schéine Kierfecht gemaach.

Korcula...

...mat ville klenge Gässelen.

Kathedral Sv.Marka.

D'Klouschter....

...mam Kierfecht wou vill Kapitänsgriewer sinn.

Den 1ten Oktober si mir zu Dubrovnik ukomm an hu bei herrlechem Wieder d'Musée'en an d'Gässelcher vun der Alstad gemaach.

En Typ vum Onka huet ...

...eis nach a Montenegro op Kotor gefouert.

Lues a lues maache mir eis op de Wee fir Heem. Och nees laanscht d'Küst well et einfach immens schéin ass. Mat e puer aner Stoppe wéi op der Hallefinsel vu Pag. Zu Kolan hu mir e schéine Camping fonnt wou mir nach zwee Deeg bleiwen

An der Alstad vu Zadar.

An am Ferry Hafen vu Zadar.

Apero ganz eleng um Strand zu Kolan.

De Sonnenënnergang ëmmer nees schéin!

D'Halefinsel Pag ass ganz speziell ....

Mam Ferry vu Pag zréck un d'Festland.

Op engem Schëff ass ëmmer flott.

Och hei kommen d'Faarwe vum Hierscht!

Och dësen Tour geet op en Enn an e soen iech all Merci fir är léif Messagen. Duerch de Südtirol mat Stopp zu Bozen si mir de 15ten Oktober nees doheem.